Metropola Komunuma Eklezio
| Metropola Komunuma Eklezio | ||
|---|---|---|
| ||
| religia subgrupo LGBTQ+ association (en)  
| ||
| Komenco | 1968 vd | |
| Lando(j) | Usono vd | |
| Fondinto(j) | Troy Perry vd | |
| Retejo | Oficiala retejo | |
La Metropola Komunuma Eklezio (angle Metropolitan Community Church), ankaŭ konata kiel la Universala Kunularo de Metropolaj Komunumaj Eklezioj, estas internacia protestanta kristana konfesio. Ekzistas 222 membroj-kongregacioj en 37 landoj, kaj la Kunularo havas specifan atingon al lesbaninoj, gejoj, ambaŭseksemaj kaj transgenraj familioj kaj komunumoj.
La Kunularo havas oficialan statuson kiel Observanto ĉe la Monda Konsilio de Eklezioj. La Metropola Komunuma Eklezio estis rifuzita kiel membro en la Usona Nacia Konsilio de Eklezioj, sed multaj lokaj kongregacioj estas membroj de lokaj ekumenaj partnerecoj tra la tuta mondo kaj ĝi nuntempe apartenas al pluraj tutmondaj konsilioj de eklezioj en Usono.
La Metropola Komunuma Eklezio bazas sian teologion sur la historiajn kredojn de la kristana eklezio kiel la Kredo de la Apostoloj kaj la Kredo Nicea. Ĉiu eklezio estas devigita festi la Eŭkaristion almenaŭ unufoje semajne, kaj praktiki malferman komunion, kio signifas, ke ricevantoj ne bezonas esti membro de ĝi aŭ de iu ajn alia eklezio por ricevi la Eŭkaristion. Preter tio la Metropola Komunuma Eklezio permesas al siaj membroj sendependecon en doktrino, adorado kaj praktiko. Adoraj stiloj vaste varias de preĝejo al preĝejo.
Ĝi konsideras sian mision socia kaj spirita ankaŭ defendante la rajtojn de malplimultoj, precipe tiuj de lesbaninoj, gejoj, ambaŭseksemaj kaj transgenraj homoj (GLAT) homoj. MKE estis ĉefa forto en la evoluo de kvira teologio.